اسئله ترفع الضغط من كثر غباءها

هذي الاسئله خاطرك تصفع الي يسالك اياها
مثلا :

اانت الحين بغرفتك منسدح بفراشك ومبند الليت (النور) فجأه يدش عليك
اخوك\اختك ويفتح الباب ويقولك بترقد ؟ ( لا برقص - أكيد برقد )

أنت لابس وكاشخ وقاعد تمشي بالبيت متجه للباب .. فجأه يشوفك واحد من أهلك
ويصرخ عليك ويقول بصوت عالي :- (هااا بتطلع )
لا.. بجرب الباب زين ولا لا
الصراحه سؤال خطير

انت قاعد بغرفتك وماسك الكتاب يالس تدرس .. يدش عليك واحد من اهلك يقولك
هاا قاعد تدرس (لا افرش اسناني يعني ماسك الكتاب شسوي اكيد ادرس)


انت الحين بالكافيه صدفه شفت واحد من الربع او الاهل .. قالك هاا شتسوي هني
(أبيع بنك( لا تعليق)

--------------
لا وتعالوا شوفوا قنواتنا العجيبة اهما واسئلتهم
مثلا بالعيد بيقابلون واحد من الناس شوفو الحوار :-
المذيع :- مرحبا عرفنا على أسمك ؟
المواطن :- فلان الفلاني . . . . .
المذيع :- شنو تقول لأهلك بالعيد ؟ ! ! !
المواطن :- أقولهم كل عام وأنتم بخير . .
(( لا منه المال ومنها العيال))
يعني السؤال تحفه والمذيع ومعد البرنامج اتحف على هالسؤال
------------------------

والأسخف من هالبديهيات اللي تضيع وقتنا إذا قابلو اليهال -الاطفال)
يقول المذيع للياهل :- أنت تحب ماما وبابا ! ! !
(( لا احبك)) سؤال غبي الصراحه
----------------